Descubre o noso Equipo de Normalización e Dinamización Lingüística

No CPR Plurilingüe Martínez Otero, traballamos para que a lingua galega estea presente en todas as actividades escolares, promovendo a súa normalización e dinamización. O noso Equipo de Normalización e Dinamización Lingüística (EDNL) é un motor clave para fomentar o uso do galego como parte esencial da nosa identidade cultural e educativa.
Obxectivos do EDNL

• Promover o uso do galego en todas as áreas do centro, tanto dentro como fóra das aulas.
• Reforzar a diversidade cultural e lingüística mediante actividades que valoren o patrimonio galego.
• Involucrar toda a comunidade educativa en proxectos que fomenten a creatividade e o uso do galego.

Actividades destacadas do EDNL

Ao longo do curso, desenvolvemos unha ampla variedade de actividades que implican alumnado, profesorado e familias:

• Actualización das redes sociais: Mantemos as RRSS activas con novas, eventos e producións audiovisuais do centro.
• Taboleiro de Dinamización: Lugar físico onde compartimos convocatorias, concursos e novidades para alumnado e profesorado.
• Publicación da revista trimestral "Vieiro": Unha revista que recolle actividades, debuxos, relatos e outros traballos destacados do alumnado.
• Bos días!: Reprodución de música galega e lectura dun relato en lingua galega, seguido dunha breve reflexión para promover valores e pensamento crítico. Tamén, felicitamos os aniversarios do alumnado, creando un ambiente ben acolledor e agarimoso. 
• Magosto e Samaín: Celebracións tradicionais que inclúen xogos, lendas e refráns galegos.
• Día da Lingua Materna (21 de febreiro): Actividades para poñer en valor a diversidade lingüística e cultural.
• Día de Rosalía (23 de febreiro): Conmemoración do nacemento da nosa escritora máis universal con actividades creativas.
• Día das Letras Galegas (17 de maio): Exposicións, concursos de deletreo e outras iniciativas para homenaxear a persoa destacada do ano.
• Plan de Vida Activa e Deportiva: Realización de xogos e competicións en galego, integrando a lingua no ámbito deportivo.
• Proxecto Plurianual "Forxando amizades, xogando coa fala": Contacto con outros centros galegos para promover o uso da lingua a través de correspondencia e intercambios culturais.

Únete ao noso proxecto!

Convidamos a toda a comunidade educativa a participar activamente nas nosas iniciativas. Co EDNL, demostramos que o galego é unha lingua viva, útil e próxima, que nos une e nos define como centro.